Ki relasyon Legliz la dwe genyen ak lòt legliz ki pa advantis ?

Yon fason pou n evite fo pwoblèm osnon zigzani ak lòt konfesyon relijyez, men ki prensip[1] fondalnatal ki tabli :

1. Nou rekonèt tout ajans k ap egzalte Kris la devan limanite kòmkwa yo fè pati plan evanjelizasyon mond lan, e nou gen anpil estim pou kretyen yo, gason ak fanm, ki nan lòt konfesyon, ki angaje yo pou sove nanm nan Kris la.
2. Lè travay Misyon yo mete n an kontak ak lòt sosyete misyonè e ak lòt gwoup relijye, lespri koutwazi kretyèn, franchiz ak onètete dwe gouvène.
3. Nou rekonèt vrè relijyon an se yon kesyon konsyans ak konviksyon. Kidonk, nou dwe veye pou se pa okenn enterè egoyis osnon okenn avantaj materyèl ki atire moun nan kominyon nou an, e ki pou kenbe okenn manm nan mitan nou, se sèlman kwayans ak konviksyon se nan wout sa li jwenn yon bon jan relasyon ak Kris la. Lè yon chanjman konviksyon fè manm nan santi l pa dakò ak lafwa n e ak pratik nou yo, nou rekonèt  li gen dwa ak devwa pou l al nan relijyon ki mache ak sa l kwè a.
4. Anvan n asepte nan legliz nou yon moun ki manm yon lòt konfesyon relijyez, nou dwe asire nou se sèlman sou baz konviksyon relijyez li ak relasyon pèsonèl li ak Bondye ki fè l ap fè sa.
5. Yon moun ki sou sansi nan yon lòt konfesyon relijyez lakoz yon fòt ki defini aklè nan domèn moral osnon nan domèn karaktè kretyen an, nou va prezante moun sa kòm kandida sèlman lè l bay prèv li repanti epi l refòme.
6. Legliz advantis pa kapab limite tèt li nan yon ti bout teritwa, lakoz fason l konprann manda evanjelik la. Granmesi pwovidans Bondye epi konsideran devlopman istorik travay li a nan limanite, tanzantan vin gen konfesyon ak mouvman relijye pou bay divès aspè Levanjil la yon konsiderasyon spesyal. Lè Legliz advantis te fenk ap fòme, nou te gen pou responsablite mete aksan sou mesaj Dezyèm Vini Kris la tankou yon evennman ki pral rive byen vit, e pwoklame verite biblik la nan kad mesaj sa yon fason pou n fè moun yo prepare yo jan yo dekri sa nan Revelasyon 14.6-12. Mesaj spesyal sa bay lòd preche «  Tout nasyon, tout tribi, tout lang ak tout pèp Levanjil etènèl la », nan atire atansyon tout moun tout kote. Tout restriksyon ki kapab limite temwanyaj la nan yon teritwa t ap vin yon fren pou manda evanjelik la. Legliz Advantis rekonèt tou dwa nouvo konvèti ak misyonè pou yo opere san restriksyon jeyografik.

Tradiksyon : Redaksyon an – AlelouyaORG

[1] Statuts et Règlements – Division Interaméricaine de la Conférence Générale, Edition 2014-2015, pp. 175, 176.